Press-relizlar
UzBuild uslubida: O`zbekiston qurilish va interyer haftaligi qanday o`tdi
O‘zbekiston Qurilish va interyer haftaligi — «Uzbekistan Construction and Interior Week» Iteca Exhibitions va uning hamkori ICA Eurasia Groupning 31-ko‘rgazma mavsumining tantanali ochdi va sohaning asosiy tadbirlarini bir maydonda birlashtirdi:
• «Qurilish – UzBuild 2026» 27-O‘zbekiston xalqaro ko‘rgazmasi
• “Qurilish uskunalari va texnologiyalari — BuildTech 2026” UzBuildning ixtisoslashtirilgan bo‘limi
• 7-O‘zbekiston qurilish sanoati Xalqaro anjumani — ICCI 2026
Bu yil Haftalikda quyidagi 22 mamlakatdan 450 dan ortiq kompaniya va brendlar, 39 ta spiker va 450 ta delegat ishtirok etdi: AQSh, BAA, Belarus Respublikasi, Chexiya Respublikasi, Eron, Germaniya, Gruziya, Ispaniya, Italiya, Koreya Respublikasi, Latviya, Malta, Ozarbayjon, Portugaliya, Qirg‘iziston, Qozog‘iston, Rossiya, Turkiya, Turkmaniston, Xitoy, Yaponiya va O‘zbekiston.
Haftalik tadbirlarida 15 000 dan ortiq tashrif qayd etildi, jumladan, 11 139 nafar soha mutaxassisi qayta-qayta ko‘rgazmaga tashrif buyurishdi, va ushbu fakt tadbirning ko‘lamini, barqaror biznes o‘sishi uchun taklif etilayotgan materiallar, texnologiyalar va yechimlarning keng doirasini hamda xalqaro kompaniyalar va investorlarning tadbirga va O‘zbekiston bozoriga bo‘lgan qiziqishining ortib borayotganini tasdiqladi.
UzBuild 2026 ekspozitsiyasi “O‘zekspomarkaz” MKKning barcha pavilyonlari va ochiq maydonida joylashgan bo‘lib, 15 000 kvadrat metr maydonni egalladi (yalpi) va butun qurilish sikli uchun yangi mahsulotlarni taqdim etdi: loyihalashdan tortib pardozlashgacha.
Xorijiy davlatlar orasida ishtirokchilar soni bo‘yicha Top-5: Xitoy (124 ta kompaniya), Rossiya (81 ta kompaniya), Germaniya (24 ta kompaniya), Turkiya (22 ta kompaniya), Italiya va Qozog‘iston (har biri 7 tadan kompaniya).
Bu yil UzBuild milliy va jamoaviy mamlakat ekspozitsiyalarining xilma-xilligi bilan ajralib turdi: Germaniya, Rossiya va Turkiya milliy pavilyonlarini taqdim etdi. Gruziya, Eron va Latviya kompaniyalari o‘z mahsulotlarini jamoaviy stendlarda namoyish etdilar.
Ekspozitsiyaning yirik qismini “Made in Russia” milliy stendidagi kompaniyalar egalladi, ular qurilish xarajatlarini tezlashtirish va narxini kamaytirish imkonini beruvchi infratuzilma va tijorat loyihalari uchun zamonaviy qurilish va pardozlash materiallari, yechimlar va texnologik ishlanmalarni taqdim etdilar. Eronning jamoaviy stendi sement, metall buyumlar, sendvich panellar yetakchi ishlab chiqaruvchilari va Eron Milliy innovatsiya jamg‘armasini birlashtirdi.
“Made in Latvia” nomli jamoaviy ekspozitsiyada qurilish materiallaridan tortib, IT-ishlanmalar va shaharsozlik uchun mahsulotlargacha bo‘lgan keng turdagi qurilish yechimlari namoyish etildi. Latviyaning ushbu formatdagi debyut ishtiroki Yevropa Ittifoqi kompaniyalari bilan xalqaro hamkorlikni kengaytirish uchun yangi imkoniyatlar yaratadi.
Gruziyadan kelgan kompaniyalar ham kollektiv formatda debyut qilishdi va xalqaro darajadagi mehmonxona majmualari uchun dizayn va qurilish xizmatlari, keng qamrovli MEP muhandislik yechimlari, shuningdek, qurilish, pardozlash va dekorativ yog‘och materiallarini taqdim etishdi. Gruziya tomonining O‘zbekiston bozoriga bo‘lgan yuqori qiziqishi kompaniyalarning ishtiroki Gruziyaning BMG biznes telekanalida jonli efirda namoyish etilishi bilan tasdiqlandi.
Haftalikning dolzarb mavzulari misli ko‘rilmagan rezonansga ega bo‘ldi: tadbir 84 ta manba, jumladan, hukumat va xalqaro tashkilotlar, diplomatik vakolatxonalar, yirik kompaniyalar va xoldinglar, uyushmalar va hokimiyatlar, banklar, ko‘plab blogerlar va 33 ta mahalliy va xorijiy ommaviy axborot vositalari tomonidan yoritildi. Haftalik tashkilotchilarining ijtimoiy tarmoqlardagi faoliyati tadbir kunlari davomida 7 500 dan ortiq obunachilarni qamrab oldi va umumiy auditoriya soni 6 581 600 dan oshdi.
Innovatsiyalarni amalda ko‘rish uchun Tojikiston, Suriya, Ozarbayjon, Gruziya va boshqa mamlakatlardan biznes delegatsiyalari tashrif buyurishdi. Tegishli davlat idoralari vakillari — O‘zbekiston Respublikasi Qurilish va uy-joy kommunal xo‘jaligi vazirligi, O‘zbekiston Respublikasi Oliy Majlisi Qonunchilik palatasining Tadbirkorlik, raqobatni rivojlantirish va sanoat masalalari qo‘mitasi, Yangi Toshkent shahri barpo etish direksiyasi, “O‘zsanoatqurilismateriallari” uyushmasi va ishtirokchi mamlakatlar diplomatik vakolatxonalari vakillari qiziqish bilan tadbirga tashrif buyurishdi.
O‘zbekiston Qurilish va Interyer Haftaligining bosh homiysi — O‘zbekistonda infratuzilma va yer usti qurilish loyihalarini amalga oshirishda yetakchi turk kompaniyasi ÇELİKER HOLDİNG. Turkiya texnologiyalari, qurilish materiallari va muhandislik yechimlari ishlab chiqaruvchilarining keng ishtiroki O‘zbekistondagi Turkiyaning TRT telekanalida ham namoyish etildi.
UzBuild 2026 ko‘rgazmasi mamlakatdagi deyarli barcha sanoat tarmoqlarining maqsadli ehtiyojlari uchun yechimlarni taqdim etib, mintaqadagi ko‘lami va tengsiz yetakchiligini yana bir bor tasdiqladi. Ko‘rgazmaga tashrif buyuruvchilari — qurilish materiallari sanoati, avtomobilsozlik, transport mashinasozlik, qishloq xo‘jaligi, mebel ishlab chiqarish va boshqa sohalar vakillari. Mamlakat bo‘ylab keng ko‘lamli qurilish ishlari olib borilayotgani va yirik “Yangi Toshkent” va “Yangi O‘zbekiston” loyihalarining amalga oshirilishi fonida ko‘rgazma turar-joy va sanoat obyektlarining zamonaviy infratuzilmasi uchun zarur bo‘lgan eng so‘nggi muhandislik yechimlarini namoyish etish uchun noyob maydonga aylandi. O‘zbekistonda ekologik va xavfsiz qurilishning dolzarb masalalarini hisobga olgan holda, turar-joy loyihalarining sifati va qulayligini oshirish uchun zamonaviy yechimlarni izlayotgan yirik quruvchilar uchun takliflarga alohida e‘tibor qaratildi.
Shu nuqtai nazardan, O‘zbekiston Qurilish va Interyer Haftaligining asosiy tarkibiy qismi uning biznes dasturi — 7-O‘zbekiston qurilish sanoati Xalqaro anjumani — ICCI 2026 bo‘lib, unda sanoat mutaxassislari qurilish sanoatining asosiy tendentsiyalari, muammolari va rivojlanish istiqbollarini muhokama qilishdi.
UzBuild 2026 natijalari brendning xalqaro tadbirlar orasida ham, O‘zbekistonning yetakchi sanoat tadbirlari orasida ham uning yuqori darajasi va ahamiyatini ishonchli tarzda namoyish etadi. Ko‘rgazma ishtirokchilari va tashrif buyuruvchilari ko‘rgazmaning muvaffaqiyati haqida so‘zlamoqda.
O‘zbekiston Respublikasi Qurilish va uy-joy kommunal xo‘jaligi vazirligi, Saidnosir Usmonov, vazirning axborot siyosati bo‘yicha maslahatchisi:
«Ko‘p yillar davomida UzBuild ko‘rgazmasi nafaqat O‘zbekiston vakillarini, balki butun dunyodan, jumladan, qurilish sanoati yuqori darajada rivojlangan mamlakatlardan kelgan mutaxassislarni ham birlashtirgan muhim platforma bo‘lib xizmat qilib kelmoqda. Bu yerda tajriba almashinuvi, malaka oshirish va hamkorlik rivojlanishi olib boriladi. So‘nggi to‘qqiz yil ichida qurilish ishlarining umumiy hajmi 210 million kvadrat metrga yetdi. Ko‘rgazma va anjuman ushbu ko‘rsatkichlarni yanada oshirishda, o‘zaro manfaatli kelishuvlarga erishishda va xorijiy hamkorlar bilan aloqalarni rivojlantirishda muhim rol o‘ynadi».
Infinity Ventures Holding, Maryam Vaxvaxshvili, Bosh operatsion direktor:
«Biz ko‘rgazmada ikkinchi marta ishtirok etishga qaror qildik, chunki u o‘zining ko‘lami va xalqaro darajasi bilan chindan ham alohida o‘rin egallaydi. Menimcha, bugungi kunda O‘zbekiston bozori barcha uchun qiziqarli, chunki mamlakat faol iqtisodiy va moliyaviy o‘sish davrini boshdan kechirmoqda. Avvalgi tashrifimdan atigi olti oy o‘tgach, men Toshkent va butun mamlakatdagi o‘zgarishlarning ko‘lamidan hayratda qoldim. Men bir vaqtning o‘zida o‘tkaziladigan ko‘rgazma va anjuman formatini ayniqsa qimmatli deb bilaman, chunki bu bizga nafaqat yechimlarni taqdim etish, balki tajriba almashish va sanoatning dolzarb muammolarini muhokama qilish imkonini beradi».
TSSP / DeWalt, Jiger Suleimenov, Bosh direktor:
«Biz UzBuild ko‘rgazmasida ikkinchi marta ishtirok etmoqdamiz, chunki bu yirik kompaniyalar — zavodlar, korxonalar va qurilish biznes bilan bog‘lanish uchun chinakam kuchli platforma. Kundalik hayotda bozor ehtiyojlarini shu qadar tez va to‘g‘ridan-to‘g‘ri muhokama qilish orqali fikr-mulohazalarni to‘plash deyarli imkonsiz, ammo bu yerda hamma narsa bir joyda va juda samarali tarzda amalga oshiriladi. Bu, shuningdek, yangi hamkorlik va sheriklik uchun maydondir. Biz uchun bu asosan turli sohalar mutaxassislari va bozor imkoniyatlari bo‘yicha diqqatni jamlash nuqtasidir».
Tashkilotchilar: Iteca Exhibitions Xalqaro ko‘rgazmalar kompaniyasi va uning hamkorlari ICA Eurasia Group va Congresses of Central Asia – CCA
2027-yil 16–18-mart kunlari bo‘lib o‘tadigan UzBuild 2027 ko‘rgazmasida ishtirok etish uchun arizalar qabul qilinmoqda.
Ko‘rgazma direktori: Gullola Nodirxonova Tel: + (998 71) 205 18 18
Haftalik bosh homiysi:
Tashkiliy ko‘mak:
Hamkor:
Rasmiy transport-logistika
hamkori:
Texnik hamkor:
IT-hamkor:
Bosh axborot hamkori:
Informatsion ko‘mak:
Qo‘shimcha ma‘lumot uchun Iteca Exhibitions matbuot xizmatiga murojaat qiling:
Tel: + 998 71 205 18 18
E-mail: pr@iteca.uz
Homiy va hamkorlar
