Press-relizlar
UzBuild 2024 - Muvaffaqiyat sari yo‘lingizni quramiz
Soha mutaxassislari har yili orziqib kutadigan “Qurilish – UzBuild 2024” xalqaro ko‘rgazmasi 2024-yil 27-fevraldan 1-martga qadar “O‘zekspomarkaz” MKKning barcha pavilyonlari va ochiq maydonida o‘z ekspozitsiyasini yozadi. Bu yilgi ko‘rgazma alohida ahamiyatga ega – 25-yubiley sifatida u chorak asrlik muvaffaqiyat va samarali hamkorlikni sarhisob qilmoqda.Yangi O‘zbekistonda qurilish sohasi, butun mamlakat singari, rivojlanishning yangi bosqichiga o‘tmoqda. Mamlakatimizning barcha burchaklarida keng ko‘lamli qurilish shaharlarimiz va qishloqlarimiz qiyofasini tubdan o‘zgartirish va takomillashtirishga olib kelmoqda. Zamonaviylik va xavfsizlik qurilishning asosiy mezonlaridir. Bundan tashqari, qurilish sanoati iqtisodiyotning tegishli yo‘nalishlari uchun ham harakatga soluvchi omil hisoblanadi – qurilish santexnika va kommunikatsiyalardan tortib mebel va maishiy texnikagacha bo‘lgan turli xil mahsulotlarning katta hajmini talab qiladi.
UzBuild tarixi 2000-yilda, “O‘zbekiston XXI asr ostonasida” ko‘rgazmasi o‘tkazilganda boshlanadi va bu tadbir har yili o‘tkazilishiga start berdi. 2007-yilda ko‘rgazma mamlakat milliy iqtisodiyotini rivojlantirishga hissa qo‘shgan va xalqaro ko‘rgazma biznes hamjamiyati tomonidan tan olingan voqealarga taqdirlanadigan “Butunjahon ko‘rgazma sanoati uyushmasi (UFI) tomonidan tasdiqlangan tadbira” sertifikatini qo‘lga kiritdi.
Ko‘rgazmaning butun o‘tkazilishi davomida 45 mamlakatdan 3503 ta kompaniya ishtirok etdi, 160 239 kishi esa tashrif buyurdi.
UzBuild ko‘rgazmasi kontseptsiyasi qurilishdagi texnologik jarayonning to‘liq tsiklini ifodalaydi – dastlabki loyihalashdan tortib to yakuniy pardozlashgacha. Bu ishlab chiqaruvchilar va mutaxassislarga uskunalar, texnologiyalar va materiallar sohasidagi so‘nggi yutuqlarni samarali namoyish etish va ular bilan tanishish imkoniyatini beradi va sanoat ishtirokchilari o‘rtasida faol almashinuvni osonlashtiradi.
Zamonaviy talablarni hisobga olgan holda, ko‘rgazmada “aqlli uylar”, yashil texnologiyalar va energiya samarador texnologiyalari va materiallar kabi qurilish va qurilish materiallarini ishlab chiqarishdagi innovatsiyalarga alohida e'tibor qaratiladi.
2024-yilgi ishtirokchilar soni va ko‘lami UzBuild nafaqat respublikada, balki butun Markaziy Osiyoda qurilish sanoatining №1 ko‘rgazma tadbiri ekanligini yana bir bor tasdiqlaydi. Hozirgi ko‘rgazma yana o‘tgan yilgi ko‘rsatkichlaridan oshib o‘tdi — uning ekspozitsiyasi 15 000 kvadrat metr maydonni egalladi – bu “O‘zekspomarkaz”ning barcha ko‘rgazma pavilyonlari, shuningdek ochiq maydonidir. Ishtirokchilar soni bo‘yicha yana bir bor rekord o‘rnatildi – 19 mamlakatdan 450 dan ortiq kompaniya va brendlar: Avstriya, Ozarbayjon, Belarus Respublikasi, Germaniya, Gruziya, Eron, Ispaniya, Italiya, Qozog‘iston, Xitoy, Koreya Respublikasi, Litva, Niderlandlar, BAA, Polsha, Rossiya, Turkmaniston, Turkiya, O‘zbekiston.
Ko‘rgazmaning bosh homiysi yana KOC Construction va Piramit Global kompaniyalari bo‘lib, ular O‘zbekiston, Turkiya, MDH mamlakatlari va Afrikada loyihalarni amalga oshirmoqdalar.
Xorijiy ishtirokchilarning ulushi 81 foizni tashkil etdi.
Ishtirokchilar soni bo‘yicha quyidagi xorijiy mamlakatlar top beshlikni tashkil etdi: Xitoy, Rossiya, Turkiya, Germaniya, Qozog‘iston. Milliy pavilyonlar tarkibida Belarus Respublikasi, Germaniya, Xitoy, BAA va Turkiya kompaniyalari o‘z ekspozitsiyalarini namoyish etadi, Rossiya Federatsiyasining 16 hududi delegatsiyalari esa jamoaviy stend bilan chiqishadi.
Turkiyaning milliy pavilyon formatidagi an'anaviy ishtiroki 62 ta yetakchi ishlab chiqaruvchilari qurilish, qurilish texnikasi va texnologiyalari hamda qurilish va pardozlash materiallari va qurilish kimyosi sohasidagi o‘z yangiliklarini taqdim etadi.
Germaniya milliy stendidagi 27 ta yetakchi ishlab chiqaruvchi kompaniyalar qurilish sohasidagi eng yangi ishlanmalar va texnologiyalarni namoyish etadilar: beton buyumlar, silikat g‘isht va avtoklav gazbetondan tayyorlangan buyumlar ishlab chiqarish uchun yuqori samarali mashinalar, yig‘ma temir-beton buyumlar ishlab chiqarish texnologiyalari, yo‘l-qurilish texnikalarining keng assortimenti, yer osti ishlari uchun mashinalar. Bundan tashqari, innovatsion qurilish va pardozlash materiallari taqdim etiladi: energiya tejamkor uy-joy uchun klinker g‘ishtli plitkalar, tashqi ishlar uchun sovuqqa chidamli plitkalar, tom yopish materiallari va ko‘plab boshqalar.
2014-yildan boshlab Dubay iqtisodiy rivojlanish korporatsiyasi (Dubai Economic Development Corporation) boshchiligda UzBuild ko‘rgazmasida BAAdan kompaniyalar ishtirok etmoqda. Bu yil ko‘rgazmada 5 ta kompaniya ishtirok etib, ular tez quriladigan binolar uchun metall tizimlar, kompozit panellar, yoritish tizimlari va boshqa mahsulotlar namoyish etadi.
Bu yil UzBuild ko‘rgazmasida Xitoydan rekord miqdordagi kompaniyalar - 100 ta kompaniya ishtirok etmoqda, ular barcha pavilyonlarda va ko‘cha maydonida o‘z mamlakatining ushbu sohadagi ulkan salohiyatini namoyish etadilar.
O‘zbekistonning an'anaviy savdo hamkori - Belarus Respublikasi mahalliy bozorda katta talabga ega bo‘lgan 5 ta asosiy mahsulot ishlab chiqaruvchi kompaniyalarni taqdim etadi: liftlar, taxta materiallari va yog‘och, yog‘och uy qurilishi namunalari, tabiiy pol qoplamalari, kabel va o‘tkazgich mahsulotlari.
Rossiya Federatsiyasidan ko‘rgazmada 110 ta kompaniya ishtirok etadi, shu jumladan Oltoy va Krasnoyarsk o‘lkalari, Vladimir, Volgograd, Voronej, Irkutsk, Kurgan, Moskva, Novosibirsk, Omsk, Orenburg, Pskov, Rostov, Ryazan va Tyumen oblastlaridan 16 ta jamoaviy stendlar, shuningdek, Tatariston Respublikasidan mahalliy qurilish sanoati uchun qurilish uskunalari va texnologiyalarining barcha turlari namoyish etiladi.
Ishtirokchi kompaniyalarning 60 foizi ko‘rgazmaning debyutantlaridir. Ular orasida Ozarbayjon, Gruziya, Qozog‘iston, Turkmaniston kompaniyalari bor, bu O‘zbekistonda qurilish biznesiga katta qiziqish borligidan dalolat beradi.
Ko‘rgazmaning alohida g‘ururi uning doimiy ishtirokchilaridir. BAUER Maschinen GmbH, TEKA Maschinenbau GmbH, Elkon, RTG Rammtechnik, Progress Group kabi kompaniyalar ko‘rgazmani deyarli tashkil etilganidan beri qo‘llab-quvvatlab kelmoqda, 27 ta kompaniya esa muntazam ravishda ishtirok etmoqda. Va ularning aksariyati bu yubiley yilida ko‘rgazmada ishtirok etmoqda.
UzBuild qurilish ko‘rgazmasi ko‘plab ahamiyatli o‘zgarishlar uchun muhim turtki bo‘ldi. Uning dastlabki yillarida qurilish sohasida barqaror baza yo‘qligi, shuningdek, zamonaviy zavod va texnologiyalar yetishmasligi qayd etilgan. Birinchi ko‘rgazmalarda ishtirokchilar asosan innovatsion texnologiyalar va ilg‘or yechimlarni olib kelgan xorijiy kompaniyalar edi. Bugungi kunda holat sezilarli darajada o‘zgardi: mamlakatda ko‘plab zavodlar, shu jumladan qurilish materiallarini ishlab chiqaradigan 10,4 ming tashkilot paydo bo‘ldi. Ayni paytda ko‘rgazmada 80 ta mahalliy kompaniya ishtirok etib, sohani rivojlantirish va takomillashtirishga ko‘maklashishda davom etmoqda. Ko‘rgazmaning “muvaffaqiyat sari yo‘lingizni quramiz” shiori ko‘rgazmaning O‘zbekiston uchun asosiy qadriyatlari va ahamiyatini mukammal aks ettiradi.
O‘zbekistonlik kompaniyalar bu yil ham doimiy ishtirokchilar, ham debyutantlar tomonidan taqdim etilmoqda, ularning stendlarida qurilish va pardozlash materiallari sektorlari mahsulotlari, derazalar, eshiklar, fasadlar, sement va beton buyumlar, qurilish aralashmalari, metallurgiya mahsulotlari, izolyatsion materiallar, kabel-o‘tkazgich mahsulotlari, tosh mahsulotlari va ko‘plab boshqalar bilan tanishish mumkin.
Deyarli har bir stendda yangi mahsulotlar taqdimotlari va mahorat darslari o‘tkaziladi. T.B.M. kompaniyasining "Kuchli usul" – “Derazalar (VEKA profilidan) – yuqori xavfsizlangan derazalar” mahorat darsi tashrif buyuruvchilarga maxsus tomoshaboplikni va'da qiladi, unda kompaniya o‘z mahsulotlarining «oddiy derazalar»ga nisbatan tashqi zararli ta'sirga chidamliligi/barqarorligi uchun afzalliklarini namoyish etadi.
Shuningdek, “Ampir Décor” kompaniyasi ko‘rgazmaning fotosurat zonalaridan birida pardozlash materiallaridan foydalanishning ajoyib mahorat darsini - katta tuvallarga rasm chizishni namoyish etadi.
UzBuild'ni endi “Qurilish texnikasi va texnologiyalari - BuildTech 2024” ixtisoslashgan bo‘limisiz tasavvur qilib bo‘lmaydi, unda ochiq maydonda KCP (Koreya Respublikasi), SANY Construction Machinery (O‘zbekiston), LIUGONG (Xitoy) kabi taniqli kompaniyalar qurilish texnikasi, ehtiyot qismlar, qurilish materiallari ishlab chiqarish uskunalari, yo‘l qurilishi texnologiyalari, beton aralashtirish uskunalari va ko‘plab boshqa mahsulotlarni taqdim etadi. Ushbu sektor eksponentlari orasida Liebherr, Masa GmbH, BAUER Maschinen GmbH, OMAG Maschinenbau, BAUER Maschinen GmbH, BHS-Sonthofen GmbH (Germaniya), Akkaya Makina, Boom Makina, Ceylan Makina, Ermak Makina, IBAR Makina, Gayret Makina (Turkiya), Bianchi Sasseforme (Italiya) kompaniyalari va ko‘plab boshqalar ham bor.
Ko‘rgazmaning biznes dasturi doirasida 2024 yil 27-29-fevral kunlari Atrium 1 zalida bitta biznes maydonda yetakchi qurilish kompaniyalari, mutaxassislar va xalqaro ekspertlarning vakillarini jamlaydigan 5-yubiley Qurilish sanoati xalqaro anjumani – ICCI 2024 bo‘lib o‘tadi. Yalpi va panel sessiyalarida qurilish sanoatining “Yangi Toshkent” qurilishi, ko‘chmas mulk bozorining rivojlanishi va tendentsiyalari, qurilishni raqamlashtirish va o‘zgartirish, qurilish materiallari sanoati, Zaha Hadid Architects arxitektura byurosi sessiyasi kabi dolzarb jihatlari ko‘rib chiqiladi.
Muhokamalarda Buyuk Britaniya, Qozog‘iston, Rossiya Federatsiyasi, Turkiya, O‘zbekiston, Birlashgan Arab Amirliklarining 20 dan ortiq ma'ruzachilari ishtirok etadi.
Dunyo bir joyda to‘xtab turmaydi va bugungi kunda IT texnologiyalarning ilg‘or so‘zi hayotning barcha sohalarida mavjud. Yana bir bor birinchilik O‘zbekiston qurilish sanoatining xalqaro ko‘rgazmasi – UzBuild'da. Ko‘rgazma boshlanishi arafasida tashkilotchi - Iteca Exhibitions xalqaro ko‘rgazma kompaniyasi mamlakat ko‘rgazma bozorida noyob mobil ilova - Iteca Connect ishga tushirilishini e'lon qildi, u iOS va Android platformasi foydalanuvchilari uchun mavjud.
Bugunoq foydalanuvchilar ko‘rgazma ishtirokchilari va tashrif buyuruvchilar uchun foydali ma'lumotlar joylashtirilgan mobil ilovadan foydalanishning barcha afzalliklarini baholashlari mumkin. Bu ham sanoat yangiliklari va kompaniyalarning tavsifi, ham ularning ko‘rgazmadagi joylashuvi chizmasi, ekspozitsiya ish vaqtlari, ko‘rgazmaga shaxsiy beydj olish imkoniyati, shuningdek, soha mutaxassislari bilan doimiy aloqada bo‘lish imkoniyatidir.
25-Yubiley Xalqaro “Qurilish – UzBuild 2024” ko‘rgazmasi an'anaviy ravishda qurilish mavsumini ochadi va barcha manfaatdor tomonlar uchun eng yangi innovatsiyalar va samarali yechimlarni taqdim etadi. Bugunning o‘zida biz qurilish, ko‘chmas mulk va investitsiyalar bo‘yicha ekspertlar va mutaxassislardan iborat rasmiy delegasiyalarning tashrifi bilan tasdiqlangan tadbirga katta qiziqish kuzatmoqdamiz. Ko‘rgazmaga butun Markaziy Osiyo va uzoq xorijiy mamlakatlardan 15 000 dan ortiq professional tashrifchilar tashrif etishi kutilmoqda.
Tadbir tashkilotchisi: Iteca Exhibitions xalqaro ko‘rgazma kompaniyasi va uning hamkori ICA Eurasia Group.
Ko‘rgazma bosh homiysi:
Ko‘rgazmaga rasmiy ko‘mak ko‘rsatmoqda:
- O‘zbekiston Respublikasi Qurilish va uy-joy kommunal xo‘jaligi vazirligi
- O‘zbekiston Respublikasi Investitsiyalar, sanoat va savdo vazirligi
- “O‘zsanoatqurilishmateriallari” uyushmasi
- “QurilishMashLizing” RILK AJ
- Toshkent shahar hokimligi
- Vazirlar Mahkamasi huzuridagi "Yangi Toshkent" shahrini barpo etish direksiyasi
- O‘zbekiston Savdo-sanoat palatasi
Hamkorlar:
Rasmiy transport-logistika hamkori
Texnik hamkor:
Internet-hamkor:
Bosh axborot hamkori:
O‘zbekiston Milliy teleradiokompaniyasi (O‘zMTRK)
Qo‘shimcha ma'lumot uchun, iltimos, Iteca Exhibitions matbuot xizmatiga murojaat qiling:
Tel: + 998 71 205 18 18
E-mail: pr@iteca.uz
